القصيدة السادسة (مش كفايا)

القصيدة السادسة

(مش كفايا)
طياراتكم مش كفاية

والمدافع مش كفاية

والقنابل والحصار

والحرايق والدمار

والدموع فى عيون صغار

والجناين تبقى نار

مش كفاية

لو عايزِنى مرة أخضع .. غيرونى

شوفوا يمكن لو ده ينفع .. بدلونى

ولما ما تلاقوليش طريقة

واجهوا لو مرة الحقيقة

واقروا من قرآنى آية

تفهموا أصل الحكاية

إنى بضحك عل القنابل

موتة جاية وقلبى قابل

تعرفوا

إن القنابل والمدافع والشظايا

والسلاح اللى معاكو و مش معايا

مش كفاية

موتونى ألف مرة

غصب عنكم بلادى حرة

وللنهاية كلمة بكتبها بدمايا

للى يستشهد ورايا

إن ثمن الجنة ديا

لو حياتك .. مش كفاية

» القصيدة الخامسة (مزحوم يا قطار الغلبانين)
» القصيدة الثالثة (نادية)
» القصيدة الرابعة (اباتشي)
» القصيدة الاولي (جحا) عن حال مصر هشام الجخ
» القصيدة الثانية (البغبغان) هشام الجخ